• Share this page to Facebook
  • Share this page to Twitter
  • Share this page to Google+
Te tohu, Tatauranga 2013 rauemi Māori.  
View this page in English

Ka whakarato Tatauranga 2013 Ngā Tauanga Tere mō te Māori i ngā meka whaitake ki a koe mō ngā tāngata Māori e noho ana i Aotearoa, ka whakaatu hoki i ngā panoni ki te ora o taua rōpū matawaka mai i te tau 2006. Rapua he mōhiohio mō te:

  • taupori
  • pakeke me te ira tangata
  • tauwāhi
  • reo Māori
  • mātauranga
  • mahi me te moni whiwhi
  • tokomaha o ngā tamariki i whānau.

Kua ahu mai ngā mōhiohio katoa i tēnei pūrongo i te tatau o ngā kainoho e noho ana i Aotearoa mō te nuinga o te wā mai i te Tatauranga o ngā Tāngata Huri Noa i Aotearoa me ō Rātou Whare Noho, i tū i te 5 o Poutū-te-rangi 2013. Ka mahue ngā kainoho o Aotearoa e tāwāhi ana i te pō tatauranga.

Nā te mea i whakakāhoretia te Tatauranga 2011 i muri i te rū whenua o Waitaha i te 22 o Hui-tanguru 2011 e whitu tau te houanga i waenga i tēnei tatauranga me tērā o mua. Ka nui ake pea ngā panoni i ngā raraunga i waenga i te tau 2006 me te tau 2013 i ērā e kitea ana i te houanga tau rima noa i waenga i ngā tatauranga. Kia tūpato ina whakatairite i ngā ia.

Ka pēhea te Māori e tatauria ai i roto i te tatauranga

E rua ngā momo tatau i te Māori i roto i te Tatauranga o ngā Tāngata Huri Noa i Aotearoa me ō Rātou Whare Noho: mā te matawaka ka tahi, mā te kāwai Māori ka rua. Ka kapi aua inenga e rua i tēnei whakaputanga. He ariā rerekē te matawaka Māori me te kāwai Māori – ka kōrero te matawaka mō te tuakiri ahurea, ka kōrero te kāwai mō te whakapapa.

Ka whai wāhi ki te taupori matawaka Māori ko ērā i kī he Māori anake rātou, me ērā i kī ko te Māori tētahi o ō rātou matawaka.

Kei te hāngai tēnei mea te kāwai Māori ki ērā he uri rātou nō tētahi tangata Māori nō Aotearoa. Kei te noho ngā tatau i te kāwai Māori hei pūtake o ngā tauanga iwi.

I te tau 2013:

  • e 598,605 ngā tāngata i kī he Māori tō rātou rōpū matawaka
  • e 643,724 ngā tāngata i kī he kāwai Māori tō rātou.

Tātai ōrautanga

Ki te kore i kīia i wāhi kē, ka katia i ngā ōrautanga me ngā ōwehenga katoa ngā urupare i kore e taea te whakarōpū (hei tauira, 'kāore i kīia', 'kāore i taea te urupare te tautuhi', 'kei waho te urupare i te hōkaitanga'.)
Kua whakaawhiwhi matapōkeretia ngā raraunga i tēnei pūrongo hei tiaki matatupu. Kāore pea e taea te tāpiripiri tau takitahi kia puta he tapeke tauoti, ā, ka rerekē pea ngā raraunga ōrite i ngā tūtohi rerekē.

Panuitia tēnei panuitanga ma runga Ipurangi, tukua mai rānei, tāngia te PDF me ngā tūtohi ma runga pūreretā rānei mai i 'Ngā kōnae wātea' ki runga ake nei. Mēnā ka raru tō tirotiro i ngā kōnae, tirohia opening files and PDFs.

ISBN 978-0-478-40869-0 (tuihono)
I whakaputaina i 3 Hakihea 2013

  • Share this page to Facebook
  • Share this page to Twitter
  • Share this page to Google+

Ka tutuki rānei ō wawata i te mōhiohio o tēnei whārangi?


Top
  • Share this page to Facebook
  • Share this page to Twitter
  • Share this page to Google+