• Share this page to Facebook
  • Share this page to Twitter
  • Share this page to Google+
Te Kupenga 2013 (te reo Māori) – i whakatikangia
Embargoed until 10:45am  –  06 May 2014
Ngā hua matua

View this page in English

I puta i te rangahau tuatahi a Tatauranga Aotearoa mō te oranga o te Māori, Te Kupenga, i te tau 2013:

  • E 373,000 (70 ōrau) ngā pakeke Māori i kī he mea nui ki a rātau te whai wāhi ki tō rātau ao Māori. He 10 ōrau anake i kī kāore ōna pānga.

I te pātaitanga mō te tikanga:

  • E 89 ōrau o ngā pakeke Māori i kī he mōhio rātau ki tō rātau iwi. Koinei te āhuatanga matua o te tuakiritanga ā-iwi Māori, pepeha rānei i mōhio ai ngā Māori.
  • E 62 ōrau o ngā pakeke Māori kua tae ki tō rātau marae tipuna, ā, e 34 ōrau i tae atu i roto i ngā marama 12 kua pahure.

I te pātaitanga mō te reo Māori:

  • E 257,500 (55 ōrau) ngā pakeke Māori e āhua mōhio ana ki te reo Māori; arā, ka taea e rātau te kōrero i tua atu i ētahi kupu noa iho, i ētahi kīanga rānei i te reo. Ka whakatauritea tēnei ki te 153,500 (42 ōrau) i te tau 2001.
  • E 50,000 (11 ōrau) o ngā pakeke Māori katoa e pai rawa atu, e pai rānei ki te kōrero Māori; arā, ka taea e rātau te kōrero mō ngā momo mea katoa, ngā mea maha rānei i te reo Māori.
  • I waenga i te tau 2001 me te 2013 he tino nui te piki o te ōwehenga o ngā rangatahi Māori i kī rātau e āhua mōhio ana ki te kōrero Māori.
  • E 164,500 (35 ōrau) ngā pakeke Māori i kī he kōrero Māori i roto i te kāinga.

I te pātaitanga mō te whanaungatanga:

  • E 83 ōrau ngā pakeke Māori i kī kei te pai tō rātau whānau, kei te tino pai rawa atu rānei.
  • E 84 ōrau ngā pakeke Māori i kite ā-kanohi i ō rātau whānau kāore i noho tahi me rātau kotahi te wā neke atu rānei i ngā wiki e whā kua pahure.
  • He haurua o ngā pakeke Māori i kī he iti ake tō rātau whānau i te 11 tāngata. E 5 ōrau i kī e 61 neke atu rānei ngā tāngata i roto i tō rātau whānau.
  • Ko te nuinga o ngā Māori i kī ko te pūtake o tō rātau whānau he whakapapa. Tata ki te katoa o ngā Māori (95 ōrau) i kī i roto i tō rātau whānau ko ngā mātua, hoa rangatira, tamariki, tuahine, tungane.

Tirohia te pānui whakaahua Te oranga o te ahurea Māori 2013 mō ngā hua matua a te rangahau nei.

Liz MacPherson
Kaitatau Kāwanatanga, 6 Haratua 2014
ISBN 978-0-478-40888-1 (tuihono)

  • Share this page to Facebook
  • Share this page to Twitter
  • Share this page to Google+

Ka tutuki rānei ō wawata i te mōhiohio o tēnei whārangi?


Top
  • Share this page to Facebook
  • Share this page to Twitter
  • Share this page to Google+